楊千嬅自去年演出陳果執導的三級驚慄電影《餃子三更2之一》後，終於突破過往只演喜劇的戲路，今年她將再次挑戰演技，接演由杜琪峰監製的新片《哀悼乳房》，扮演一名患乳癌的小學教師，更會為藝術而犧牲，演出一場被扮演醫生的任賢齊摸胸檢查之大膽戲。
向來擅演喜劇的大笑姑婆楊千嬅，去年忽然大變身，接演陳果執導的三級驚慄電影《餃子三更2之一》，片中她與梁家輝有一幕大膽情慾戲，不知千嬅是否嫌《餃》片還未夠激，近日她有意接拍由杜琪峰製作的新片《哀悼乳房》，片中的千嬅患有乳癌，將被扮演醫生的任賢齊（小齊）觸摸胸部檢查。
《哀》片其實乃改編自著名女作家西西的小說，由岸西重新編寫劇本，千嬅在片中飾演一名小學老師，一天發現自己胸部有硬塊後，即往找婦科醫生任賢齊檢查，結果證實患有乳癌，要接受乳房根治切除及腋下淋巴摘除手術。
由寰亞電影公司投資的《哀》片預計於六至七月開拍，昨日記者向杜琪峰求證時，他在電話中說：「部戲搵千嬅做，係因為我希望畀觀眾新鮮感，因為呢類角色千嬅以前未做過。」
杜琪峰續說：「同千嬅見面時，我已經同佢講過劇情，可能佢以前做過護士，所以對一個因乳癌割咗乳房嘅女人有好深入了解，佢亦從女性角度講咗一啲意見出嚟，我覺得佢演呢個角色好適合，而且對佢嚟講都幾有挑戰性，喺戲入面有啲鏡頭會比較大膽，希望佢可以接受到。」
問到杜琪峰會否用鏡頭遷就拍攝摸胸鏡頭？他說：「其實我同千嬅講解劇本時，好清楚同佢講，有一場戲佢係要俾個醫生檢查胸部，我哋想拍得真實啲，所以唔想用借鏡位交代算數，咁樣會好假，不過部戲開拍前，我會再同千嬅同Paco（千嬅經理人黃柏高）再傾多一次。呢部戲主要係由羅永昌導演，而我就做監製，我希望部戲六月可以開拍。」至於男主角方面，寰亞則屬意由小齊擔任，杜琪峰說：「小齊幾好，我都覺得佢幾啱做呢部戲。」
而記者昨日致電Paco時，他證實杜琪峰的確找千嬅演出《哀》片。Paco說：「千嬅對呢部戲幾有興趣，杜琪峰係我哋好欣賞嘅導演，所以我哋都希望可以合作成功，過幾日我要同杜導演傾吓啲檔期，因千嬅檔期好密，到時都要睇吓點樣就期。另外，戲中千嬅演出係要幾大膽，我哋對導演有信心，所以會盡量同導演配合。」
至於楊千嬅亦自言喜歡向難度挑戰，明天她會出席爾冬陞新作《千杯不醉》開鏡禮，片中千嬅扮演一名啤酒妹，與吳彥祖發展出一段浪漫愛情。千嬅指《千》片與《哀》片的角色都有發揮空間，故自覺今年十分幸運，她說：「𠵱家個市咁差，我重可以有機會同爾冬陞、杜琪峰重有羅永昌呢幾位導演合作拍戲，有機會磨練演技，我係好開心。至於《哀悼乳房》嘅大膽演出，只要劇情有需要，作為一個演員，我覺得唔應該太顧慮歌星形象。」
採訪：陳月媚
