港大獲「超人」李嘉誠十億巨額捐款，負責籌款嘅港大校長資深顧問程介明話，呢年嚟同李家嘅人接觸，知道超人有個小小心願，就係想喺香港做啲顯著嘅事，喺國際舞台上有突破。
呢個值成十億元嘅「小小心願」，令港大好開心之餘，又要煩吓點分呢筆錢。程介明話，對方冇指定用途，港大目前有多個項目要花好多錢，第一個係西部擴建計劃，要用二十九億元；另外，港大亦想加強醫學院同法律學院，同埋落實學生海外交流計劃。
程介明今日會飛波士頓同徐校長會合，佢話筆錢咁大，好多嘢都要從長計議，急唔嚟。
傳真︰2623-9278
電郵︰[email protected]