金管局總裁任志剛（圖）噚日出席立法會財經事務委員會例會，一如以往，每次現身，佢都會分析吓金融市況同當前風險。任總每次講話後，都引起市場迴響，愈嚟愈有格老嘅款，好似幾個月前話關注銀行造樓按大送優惠，跟住就頒布限制回贈指引，迫到銀行即刻將優惠壓低。所以，任總嘅話，係要聽嘅。
噚日任志剛又警告香港有通脹上升隱憂，跟住有乜招數就唔知；議員李卓人就話，任總𠵱家變咗做分析員，但喺聯繫滙率前提下，又似乎冇乜工具用得着，只可以做個告誡吓人關注風險嘅分析員咁話。
任總舊年年薪九百萬，分析員中，相信最高薪非佢莫屬。
傳真︰2623-9278
電郵︰[email protected]