黎燕珊、吳浩康（Deep）、薛凱琪（Fiona）、梁舜燕以及攝影師周聰玲等人，昨日到港台出席「香江暖流—─難忘媽媽的笑容」相片選舉頒獎禮。當參賽者在台上講述與母親相處的感受時，阿Deep及Fiona都被感動得眼泛淚光。
當記者問阿Deep是否於被控藏毒後，對父母的感情特別深厚，阿Deep說：「都可以咁講，因為大家一齊經歷過呢件事，令我覺得親情好重要。」阿Deep透露會送一棚牙作為母親節禮物，他解釋說：「因為我媽咪棚牙唔係咁好，所以我會出錢幫佢整牙。」阿Deep指兩位姊姊均為人母，所以母親節要為三位母親慶祝。
此外，Fiona表示自入行後更能感受父母的愛，她說：「入行後都會有唔好嘅新聞，媽咪知我唔開心，其實我知佢都好唔開心，但係佢重做好多嘢去𠱁我，喺嗰刻反而令我更加難受。」Fiona透露早前逛街時已買了母親節及父親節禮物。