前晚花生騷由穿上私伙服裝的甘國亮擔任主持，有指其好友林奕華欲拉攏他與鄭裕玲合演舞台劇，但遭他拒絕，對此甘國亮說：「林奕華係分別搵我同嘟嘟做兩套唔同嘅舞台劇，我因為新城工作太忙，所以推咗。」
甘國亮續說：「我𠵱家年過半百，等我六十大壽再幫佢做啦。」問他是否不願與嘟嘟同台演出？甘國亮說：「唔會，佢呢啲咁有經驗嘅演員，遇上我呢啲生手，佢先閉翳呀。」
此外，前晚不少男模特兒包括吳家樂均以超低腰短褲上陣，吳家樂坦言為這個騷減肥，他說：「我以前一百五十磅，邊有條件着低腰褲呀？為咗今次，我戒甜、戒油、戒汽水，淨係食紅肉同米粉，重晚晚半夜兩點落街跑步，終於成功喺三日內減咗八磅。」
