電影《無間道》裏面，卧底警員陳永仁嘅故事驚險刺激；原來喺現實生活中，美國FBI都有位表現傑出嘅港產卧底反恐神探。呢位猛人就係FBI駐香港法務專員黃敬文。黃Sir佢當年唔單止親手鏟平一度肆虐舊金山嘅香港黑幫和合桃，○二年重假扮毒品買家，親身飛嚟香港，同恐怖分子接洽。當時班恐怖分子想用毒品，交換刺針式地對空飛彈，香港警察都有份協助黃Sir拉人，合力制止咗一宗恐怖活動。
喺香港出世嘅黃Sir，最近喺洛杉磯舉行嘅「恐怖主義與亞裔有組織犯罪國際會議」中，獲頒最高榮譽嘅「年度傑出成就獎」，認真可喜可賀。
傳真︰2623-9278
電郵︰[email protected]