吳日言（Yan）日前專誠到尖沙嘴選購母親節禮物，她表示其母很年輕時已誕下她，兩人的關係就像姊妹般，完全無代溝。
吳日言日前到尖沙嘴選購母親節禮物，在千挑萬選下，最後阿Yan買了媽咪最愛的朱古力，以及一張綴以火辣比堅尼泳衣的母親節卡。阿Yan表示跟母親關係一直好像朋友，加上其母二十歲時已誕下她，故二人上街時猶如一對姊妹花，阿Yan說：「我媽咪好細個時就生咗我，加上佢又keep得好好，好多時我哋一齊出街就好似兩姊妹咁，同埋我阿媽係一個好開通嘅人，我同佢可以話係冇代溝呢回事。」
阿Yan透露第一次拍拖，亦有帶男友返家給媽咪過目，她說：「我拍拖媽咪從來都冇話反對，佢話只要畀佢知道我識咗啲乜嘢人、畀佢見吓就OK啦。我覺得佢呢個方法幾好㗎，起碼做仔女唔會因為驚阿媽鬧，而乜都瞞住佢先啦，第日我都會效法媽咪呢個教導方法。」
雖然阿Yan今年所選購的禮物不是甚麼名貴鑽石首飾，但勝在物輕情義重，她說：「我心目中有一份禮物好想送畀媽咪，但暫時我重未有能力做到，因為媽咪做成衣生意，而且佢好多時都要中港兩邊走，其實我最想就係可以注資入佢公司，等佢唔使為咗盤生意咁頻撲。」
另外，阿Yan表示早於十七歲做暑期工時，已儲起八千元買了一隻鑽石戒指做母親節禮物。問阿Yan有沒有犯過一些大錯令媽咪傷心，她哈哈大笑說：「我好乖㗎，從來都冇激嬲阿媽，事實上係我冇勇氣去激佢，因為阿媽係掌管我嘅經濟命脈，所以我一有任何差池，就會俾佢經濟封鎖。」
採訪、攝影：李珮洳
化妝：RaymondYip@MaeVonMakeUpInstitute
髮型：EdmondLeung@IFCPrivateISalon
場地提供：GODIVA,PAPYRUS,海港城
