吳彥祖前晚和郭富城、羅嘉良及李心潔出席新戲《三岔口》慶功宴時透露，其女友LisaS.看完該戲後很喜歡羅嘉良，但他表示並不介意，而嘉良得悉後亦大讚LisaS.靚女。
郭富城、羅嘉良、吳彥祖及李心潔前晚在佐敦出席新戲《三岔口》慶功宴，該片在港上映六日，收三百八十一萬，成績不算理想，但前晚電影公司聲言《三》上映五日，加上海外票房收過千萬，故舉行慶功宴。連演員吳彥祖都說：「以前啲戲一般都二千萬，𠵱家一千萬唔到就慶功，好似好開心咁，都係盜版問題。」
吳彥祖透露其女友LisaS.看完該片後很欣賞羅嘉良，他說：「佢一向都好崇拜我，不過佢亦鍾意嘉良。」問到會否呷醋，吳彥祖說：「點解要呷醋，我都覺得嘉良做得好。」羅嘉良得悉後謂：「係呀，佢有話我Cool，佢（指LisaS.）都好靚呀，個個都做得好。」
嘉良又表示昨日要到杭州拍廣告，但會趕返港三代同堂過母親節，他說：「我等太太決定出街食定喺屋企打邊爐。」
城城表示新戲有好成績很開心，問會否加片酬，他說：「每個演員都有唔同價值，我冇諗過加價，我希望拍好戲，希望香港電影質素提高，我只要片酬合理，拍到好劇本就得。」
城城又謂母親節時將會與母親吃飯慶祝，他說：「我到時要為演唱會排舞，但已經同佢通過電話，到時會早啲收工，同佢一齊食飯，我重買咗個小腿按摩器畀佢。」
至於李心潔接受訪問時，就謂稍後將放假三星期獨自去旅行，她說：「我男朋友喺加拿大拍戲，我會去紐約玩，我都試過自己一個人去希臘，有次同個女仔朋友去尼泊爾，玩到一半佢病走先，我就一個人搵導遊帶上山，遇到個比利時男人，帶住色士風上山吹，我重識咗佢㖭。」
採訪：魯萍
攝影：仇志德
