何超儀、劉雅麗、河國榮和譚偉權前晚在文化中心綵排舞台劇《香水》，準備昨晚公演。首次演舞台劇的超儀，表示經常迷失自己，上台時又左右不分走錯位，她說：「我開場要講好多對白，停咗就會deadair，成日連累大家NG。」
問超儀是否覺得尷尬？她說：「冇法，佢哋自認老屎忽，我中尾場可能會好啲。」超儀謂不知老公陳子聰會看哪一場，但她怕知道後會影響表現，超儀說：「我平時喺屋企練習，佢都睇到，有一幕我抱住男人隻腳，可能太落力，對腳瘀晒。」問她是否借老公的腳排戲？超儀說：「都唔同feel，佢對腳咁粗。」劉雅麗亦提到超儀常NG，她說：「冇所謂，佢少做舞台劇嘛。我同佢幾夾，大家都男仔頭，一樣入行時俾人蝦，鱷魚頭老襯底。」
採訪、攝影：魯萍