嘉華建材（027）雖然注入賭牌，但自從在8元配股後，股價一直受壓，就算老闆出嚟大搞投資者關係，仍然未能力挽狂瀾，現價7.25元，仍低過配股價唔少，反而嘉華國際（173）表現愈嚟愈好，股價穩步上揚。
經紀黃話，嘉建注入賭牌作價係貴係平，至今仍然爭論不休，加上人人都估佢重需要集資，所以股價表現不振，嘉國相對盤數易睇易明。
有人計過條數，話嘉建在注入賭牌後，嘉國錄得幾十億元特殊收益，計落每股賺成兩元幾，再加上本身的地產及其他資產值每股2元樓上，所以幾吸引。
由於早排嘉建股價急跌，拖累嘉國一度被質落至2.25元的低位，但人棄我取，偏偏有個長期揸住唔少嘉國的芬佬，在低位密密加碼，家陣嘉國股價升番唔少，證明芬佬有眼光。
嘉國昨升5.41％，收2.925元，成交股數2581萬股，金額7421萬元。
慕容小初