新人郭芯其早前去找形象設計師為她做了一些出騷所穿的衣服，她表示自己初出道時試過錯誤配搭衣服而被同事取笑，加上自己對時裝不太熟悉，所以找形象設計為她負責，郭芯其說：「公司都知道今年有成二十幾個新人，加上佢哋見我出道時有時着衫都錯，所以就畀咗五位近六位數字搵形象設計幫我做衫。」
由於芯其有一對四十三吋美腿，所以形象設計師於做衫時特別突出她這方面的優點，而短裙及短褲將是芯其夏季的首選。芯其說：「我覺得夏天着背心加短裙、短褲係ＯＫ嘅，呢啲係健康嘅形象，但係我就一定接受唔到刻意嘅性感，而且着衫一定要睇場合，唔通去一個普通嘅商場活動都着低胸吊帶裙咩？」
採訪、攝影：李珮洳
服裝設計：Bowie