前日喺紐約宣傳新片《恐怖蠟像館》嘅ParisHilton，最近唔見咗一部手提電腦，佢怕好似上次唔見手提電話咁，啲私人嘢會被公開。其實身為富家女嘅Paris都幾寂寞，佢最近同記者講，𠵱家冇以前咁多朋友，佢話：「以前埋堆嘅都唔係真正朋友，而真係關心我嘅就只有我嘅家人、男友同幾個老友咋。其實我唔會信賴好多人，尤其喺洛杉磯。」