中大校長劉遵義呢輪好高興，皆因校方同微軟亞洲研究院噚日舉行咗一個名為「微軟──香港中文大學利群計算及界面科技聯合實驗室」嘅成立典禮，共同開發以人為本嘅電腦科技，走向國際化，真係開正佢個瓣。劉校長最近頻頻曝光，喺《金融時報》寫完人民幣升值問題後，又接受《信報月刊》訪問為中國經濟把脈。
講開中大，佢哋嘅校友事務處噚日無端端喺網頁度話，會盡快整理好四月底中大評議會常委會就中大「國際化」同「雙語政策」舉行座談會內出席人士嘅意見，放上網。原來當日有中大同學想臨時參加座談會被拒，搞到場面好唔愉快，其實都係師兄弟妹，使乜搞成咁。
傳真︰2623-9278
電郵︰[email protected]