伍詠薇、葉璇和官恩娜昨日於銅鑼灣時代廣場，出席內衣品牌Triumph的宣傳活動，三人更獲頒曲線體態獎。現場所見，葉璇真空露背，伍詠薇則超低胸，相比之下穿上T恤示人的官恩娜便大為失色。
伍詠薇自言在選擇內衣方面十分崇洋，只買歐美貨色，家中更闢有一間百多呎的房間專門放置內衣，她說：「我都算屬於思想開放一族，屋企大把性感內衣，好似我咁嘅年紀keep得唔錯，都係因為勤做運動咋。」問她有否試過因打扮性感在街上被人昅？她答：「後生時我實一巴星埋去，𠵱家大咗唔會啦，男人都係有自然獸性嘅反應，鍾意女人胸大籮大嘅。」
至於葉璇則表示豐胸後不介意多作性感打扮，更透露有出版商斟洽她出版寫真集，問她會否露點拍照時，葉璇說：「𠵱家邊興露點㗎，隱隱約約好似濕身嗰啲重誘惑啦。」
採訪：顏英儀
攝影：陳志嵐
