中環Starbucks巧遇潮界拆家燈頭榮，好耐冇見，一見就有料爆，燈頭榮一邊大力啜IcedLatte一邊講：「上兩個星期去完蘭桂坊『三岔鞋』搞個派對，場面墟冚，就算手持VIP卡亦要排個零兩個鐘隊，你推我擁先入到場。當晚有幾段小插曲，先講有位上巿冇耐嘅時裝連鎖店老闆到場，照樣要排隊等入場，點知排到去門口唔畀入，因為佢冇帶三岔鞋嗰封VIP邀請卡，所以被誤白撞。唔知看門口位仁兄執正嚟做定係冇睇八卦雜誌，就算唔認得佢係大老闆，都應該認出佢係退隱女星個老公啦，名人又點需要VIP卡入場呢！？另一單趣聞係『猩猩舞王子』同佢家姐『手袋』亦有踩場，唔知猩猩舞王子呢輪係咪搞得Party多，竟將人哋個Party當正自己Party玩，其間無端端衝上台，幫主人家開香檳慶祝，將香檳四圍噴狀甚興奮，十足舒麥加上身，難怪主人家黑面。只能講句，可能佢鬼仔性格，唔識中國人禮儀喇！」
主持人：大食Jack
八卦熱報：[email protected]