鄭秀文（Sammi）日前於上海拍完電影《長恨歌》後返港，前晚即往欣賞陳寶珠演出的《劍雪浮生》舞台劇尾場，寶珠其後與母親宮粉紅及兒子楊天經到中環出席慶功宴。
寶珠又力證Sammi身體情況十分好，她說：「我見佢好精神，個樣好適中、好靚女，我同佢講，正想打電話問候佢，佢唔係傳言講到咁病，雖然唔太瘦，但都唔係腫。」
前晚高志森宣布《劍雪浮生》總共在港上演了一百三十七場，共十六萬人次欣賞，打破香港舞台劇以往紀錄，陳寶珠說：「多謝大家支持，我六號同七號做埋澳門兩場先叫完。」陳寶珠謂母親節會在港度過，會封利是給母親，天經則會送神秘禮物給她。問她要不要新抱，陳寶珠說：「唔使咁快，啱啱先起步，唔係我讚個仔，佢把聲真係好聽，係人哋話㗎。」
採訪、攝影：魯萍