楊千嬅昨日到商台做錄音訪問，談到陳達志（Ba叔）被騙財一事，千嬅說：「Ba叔個人好有善心，可能係咁所以就俾人呃。」問楊千嬅曾否因善心而被騙，她坦言：「試過一次，借咗六位數字金錢畀一個圈外嘅朋友，點知一借就冇回頭，最慘佢同我講話屋企人有事，我估唔到有人會咒自己屋企人，最唔開心就係冇咗個朋友。」
不過千嬅謂經一事長一智，她說：「我重要俾其他人狂鬧，又笑我咁鍾意做善事，做乜唔去做總理，經過呢次教訓，我學曉咗唔好借錢畀人同做生意一定要一個人，唔可以同人夾份，咁就會好啲。」問千嬅有否被人騙過感情？她說：「感情就唔好講呃，咁兩個人都開心過。」
採訪、攝影：胡比