老董落台，唔少靠畫佢個樣同利用佢賣笑話書嘅人暗暗失望，不過香港創意工業係打唔冧嘅。出版過多本政治人物笑話嘅賴依芙，即刻轉食第二條水，煲呔一上位就幫佢出本《曾氏笑話──執死雞大王前傳》，重要食埋長今熱，搵咗個聲稱係政府小職員嘅「大長根」一齊度笑話。
呢本聲稱大爆煲呔上位內幕嘅新書，踢爆煲呔曾上位三大秘技，第一條係永遠服從阿公，第二條係永遠永遠服從阿公，第三條則係參考第一及第二條，呢三條秘技雖然看似簡單，但係唔易做，香港唔少識撈嘅超級世界打工仔一早已經銘記心中，不敢忘記。
本新書大講政治笑話，其中提醒煲呔上任前要添置七件武器，分別係優質避彈衣、黑超、偉哥、十字架、香口膠、鉸剪同接駁器，有乜用途？大家心照啦。
傳真︰2623-9278
電郵︰[email protected]