本欄是勞工處與《蘋果日報》合辦，逢星期四刊出，旨在為勞資雙方解釋有關僱傭問題，如有任何疑問，可致電勞工處熱線查詢，電話：27171771。此熱線會由政府熱線「1823」職員接聽。
巫涼老闆：我個接待員最近遞咗張醫生紙證明佢有孕，諗起要放十個星期有薪產假畀佢就肉赤，想炒佢魷魚！
鷹鳴老闆：你儍啦？《僱傭條例》規定，除非僱員犯嚴重過失而被即時解僱，又或者受僱於試用期頭十二星期內，否則凡按連續性合約受僱嘅僱員，只要佢向僱主發出懷孕通知，炒佢就係刑事罪行！最高可被罰款十萬元！
巫涼老闆：咁嚴重？想慳錢都唔得！
鷹鳴老闆：慳錢？你炒佢係要補解僱代通知金、一筆等同一個月工資嘅款項，如果佢放產假前已受僱滿四十星期，你重要支付十個星期產假錢。佢重有機會向你提出「僱傭保障」補償嘅申索，重有，佢可能會告你性別歧視。
其實你對個懷孕僱員好啲，唔單止個僱員會感激你，落力啲幫你做嘢，其他僱員都會感受到公司有情有義，咁對大家都好！
巫涼老闆：都係嘅。
以上資料只用作說明《僱傭條例》下的相關條文，對有關法例的詮釋，應以《僱傭條例》原文為依據。如有爭議則以法院判決為最後依歸。
資料提供：勞工處勞資協商促進科
服務熱線
電話：29908288
傳真：23702192
電郵：[email protected]