林嘉欣、新人劉心悠和元華主演的《阿嫂》昨在高雄拍外景，市長到場大讚嘉欣是令男人心跳的女人，他又指任何電影只要在該市拍外景而能獲得影展獎項，將可得到約二百五十萬港元獎金。 記者馮美茵高雄直擊
林嘉欣、劉心悠、元華、方中信、任達華、曾志偉和導演黃精甫等人，昨日在台灣高雄市的元亨寺拍攝電影《阿嫂》，高雄市市長陳其邁亦有出席。
陳市長高興地說：「凡來高雄市拍的電影，只要能在任何影展上拿到獎項，高雄市會獎賞一千萬台幣（約二百五十萬港元）給得獎影片，我很歡迎《阿嫂》到這裏拍攝，女主角林嘉欣令男人有停止呼吸或加速心跳的感覺。」在旁的嘉欣聽到市長如此讚美，尷尬地一笑。
黃秋生自從公開批評過元華演技浮誇後，最近兩人在《阿》片狹路相逢，不過該片舉行了兩次記者會，秋生都刻意避席，據知他是不想在此敏感時候接受訪問。
昨日元華被問到秋生又刻意避席時，他說：「我都唔知點解唔見咗佢，因今朝佢都有開工，不過下晝佢冇戲份，要到夜晚先再開工。」
元華續說：「其實我同佢已經見咗面，大家都有打招呼，不過傾偈都係一句起兩句止，佢重同我解釋番件事，話佢同記者講嘅意思同寫出嚟嘅有出入，佢話唔好意思。佢𠵱家冇出現，可能怕見到記者會講嘢啫，秋生性格係咁，要改佢性格都唔容易。」
黃秋生在高雄市沒有跟大隊一起住而自費住另外一間五星級酒店，被指離群兼自閉，《阿嫂》監製鄭丹瑞說：「佢鍾意住邊度都冇所謂，總之佢唔係住台北就得。佢唔係有心避席，只係下晝冇佢戲啫。」林嘉欣亦不覺得秋生自閉，她說：「我覺得秋生好叻，佢喺片場成日睇書，喺寺就睇經文，我就覺得佢幾有內涵。」
