民主派噚日喺中環遮打花園搞個五四運動燭光集會，場面都幾冷清，不過都吸引到啲稀客，其中一個就係泛聯盟嘅呂明華！唔知佢會唔會提名埋李永達？
呂明華同八方講，立法會辯論完反日，咁啱外面有個五四集會，佢就順便嚟睇吓，紀念吓五四。有行家問佢，集會都係爭取普選喎，呂明華話，佢淨係紀念五四啫！
講開達仔參選，寶哥哥都算同民主黨關係好，但佢細佬李國章就公開話，一定唔會支持李永達。八方問佢，「你細佬唔支持達仔喎，咁你支唔支持佢？」寶哥哥話，「係咩？我提名邊個遲吓你會知啦！」真係答咗等於冇答。
傳真︰2623-9278
電郵︰[email protected]