黎姿、梁洛施、周麗淇及陳沛嘉等十位索女昨日出席美肌頒獎禮，當中以模特兒出身的陳沛嘉最性感，搶盡風頭。而黎姿表示對自己三十三歲仍狀態大勇甚為自豪，更自爆被陳豪稱為「人精」。
黎姿、梁洛施、周麗淇、唐寧、徐自賢、黃榕、名模陳沛嘉及AnaR.等十位靚人，昨日到尖沙嘴出席「屈臣氏護膚易夏日美肌大獎2005」頒獎禮，眾女星皆悉心打扮出現，不過最性感的非陳沛嘉莫屬，她身穿低胸白色泳衣，下身圍上紗籠，成為全場焦點。
陳沛嘉謂原本廣告商要求她以三點式比堅尼出場，不過她覺得不適合昨日場合，所以最後就以健康的性感打扮示人。
至於有「愛美神飛彈」稱號的黎姿則以密實打扮示人，她更語帶雙關說：「冇乜所謂，呢啲留番畀人，唔可以成日都性感，自己揀衫都唔係一定要性感，唔會刻意。」
昨日黎姿獲頒特別榮譽大獎「最優質健康食品之雪白肌膚大獎」，她坦言受寵若驚，自言一向注重肌膚保養的黎姿，透露早前和陳豪拍攝《胭脂水粉》時，對方更指她是「人精」，驚歎她竟然沒有皺紋及雀斑。
黎姿毫不介意公開自己年齡，她說：「我幾proudof（自豪）我三十三歲，亦唔覺得係問題，雖然以前二十幾歲時好擔心三字頭，但𠵱家時代唔同，就算四字頭都冇問題，好似張曼玉同劉嘉玲，佢哋仍然好有光彩，就連五字頭嘅蕭芳芳都好有光彩。總之女人係計內涵，心地善良、有內涵同樣靚就最perfect（完美），就算唔靚，有內涵都會受男人歡迎。」
此外，奪得「XXL明亮眼睛大獎」的梁洛施就大賣廣告，她表示自從用了代言產品之後，每日都會被人稱讚雙眼明亮，更自覺雙眼迷人，並獲異性稱讚。
採訪：駱華齡
攝影：陳志嵐
