宣萱、陳錦鴻、袁彩雲及呂珊等，昨日在尖沙嘴美麗華酒店宣傳下周播出的無綫劇集《老婆大人》。
宣萱到場後脫下外衣，展示低胸連身牛仔裙，十分性感，連身旁的呂珊亦忍不住說：「請小心月台間嘅空（胸）隙！」宣萱早前與牙醫男友分手，她表示現時未有時間結識男友，亦對婚姻缺乏信心，宣萱說：「自從拍咗呢套劇之後，冇咁討厭小朋友，有諗過借種生仔，不過又覺得咁樣係對個BB唔負責任。」
宣萱及陳錦鴻還即場簽署「婚前協議書」，更來個情深一吻。眾演員玩遊戲時示範做家務及照顧嬰兒，袁彩雲在示範煎魚時不慎搶火，非常狼狽。而他們示範替嬰兒沖涼及換尿片時，又弄至嬰兒嚎啕大哭，十分搞笑。
其後陳錦鴻與宣萱又徇眾要求一咀再咀，他自信地表示妻子絕不會呷醋，他說：「反而我同老婆結婚嗰時，又冇錫又冇交換戒指儀式。至於生BB嘅事，希望遲吓有好消息啦！」
採訪：卓美娟
攝影：陳偉權
