方力申昨日到港台接受《娛樂滿天星》訪問，對於早前有雜誌指他瞞着緋聞女友鍾欣桐（阿嬌），約會前緋聞女友Stephy而與阿嬌鬧分手，雖然現時方力申心情已經平復，但他承認當日報道出街後，曾經閃過退出娛樂圈的念頭。
方力申說：「我一睇到個封面後，就覺得今次重唔死？因為個標題好致命，重話我偷食，真係幾嚴重，所以我第一個反應就諗過唔做呢行，重諗埋唔做之後可以游番水同讀書，但係諗諗吓，游番水又好辛苦，自己都係細路仔衝動咗！」方力申坦言事件發生後曾與阿嬌聯絡。
此外，近日方力申的新歌《ABC君》相當應景，他笑言寓意的新歌陸續有來，包括有《自欺欺人》及《我們不是朋友》，但他強調歌名不是為了搞宣傳。
採訪、攝影：駱華齡