離開下月特首選舉期近，有心人已開始郁動。一路傳話會幫曾蔭權做太傅嘅肥佬許仕仁終於正式宣布，以私人理由於本月一日起辭去九巴董事職務。其實九巴之前發出嘅通告，已經預告咗今個月十九號舉行嘅股東周年大會，肥佬許唔會競逐連任董事，不過噚日正式出辭職通告，補埋手續，以免招人話柄。唔知馬會個辭職通知幾時出呢？
其實九巴董事局同權力核心好有淵源，董事長陳祖澤差啲做咗公務員之首，主席鍾士元就做過首屆特首董建華嘅近身智囊，即係行政會議召集人。所以話，九巴大股東新鴻基地產郭氏兄弟真係唔簡單，一早就識網羅人才，留為己用；不過近年興講官商勾結，睇吓肥佬許呢位橋王，又能唔能夠消除呢啲猜疑。
爆料熱線：2929 0000、2786 0099
報料傳真：2623 9278
報料電郵：[email protected]