近期搞到「滿城風雨」嘅SHARPV902SH，自從成功解Lock之後，有心人自自然然愈嚟愈多！不過V902SH就算係水貨，個價都認真唔講得笑，所以呢期基仔就知道有人向V902SH個細佬V802SH埋手，同樣好似神戶牛柳咁由日本空運到港，兼且重可以成功解Lock，上晒香港幾個3G台都掂！講真，V802SH規格上當然輸V902SH一截，鏡頭只有130萬像素，同埋唔係立體聲喇叭，個芒又要「微細」0.2吋，照理香港用家都唔會玩番轉頭。不過，V802SH價錢只係3千5百左右，咁就真係唔同講法，拎出去又可以扮晒用V902SH咁，又要平咁多，啱晒基仔呢類又冇錢又要充嘅用家！