昨日是東隧加價後的首個工作天，身為消防大使的成龍出席尖沙嘴消防局活動時，竟不知道東隧在哪裏，其後又建議一人揸車過海要收取一百元隧道費、四人同車則可免費。
成龍最近被委任為明年二月所舉行的《2006年世界消防競技大賽》之推廣大使，而一班年輕藝人包括余文樂、吳卓羲、曹敏莉、官恩娜、戴夢夢及2R等則成為青年大使，昨日他們出席宣傳活動時，不少消防員爭相與他們合照。
昨日是東區海底隧道加價後的首個工作日，成龍最初稱不知道東隧在哪裏，其後聽過記者講解後他才說：「唔加會影響佢哋工作人員，可能會執笠，但加又影響香港市民，不過有時要企喺人哋立場去睇，我覺得香港𠵱家多咗好多小康家庭，好多家庭都有車，所以有時見嗰啲一個人揸車嘅，就應該畀一百蚊，而有四個人坐車就要免費，呢個方法唔會阻塞交通。」
戴夢夢自言雖然是駕駛人士，但昨日亦棄私家車改以地鐵代步，她說：「因為我驚紅隧塞車，所以我都係揸車去尖沙嘴，再搭地鐵過中環整頭髮，同埋以後我會預早啲時間出門口。」
余文樂則表示這兩日都不用過海工作，但對於東隧加價一事，他認為增幅十分厲害，還笑說：「政府起東隧同西隧本來就諗住疏通紅隧嘅交通，𠵱家唔止疏通唔到，咁不如嗰兩條隧道加到一萬蚊啦。」
此外，提到有消息指成龍買了一千張兒子房祖名主演的電影《早熟》戲票，成龍直認不諱說：「我用嚟當送禮畀朋友，就算之前《精武家庭》我都買幾千張啦，呢啲唔係話幫。」
