電影老闆「Ba叔」陳達志，雖從商經歷豐富，去年卻無辜跌落騙徒陷阱，疑被騙財一百九十五萬元，不知是否因近期炒樓甚有斬獲，Ba叔豁達地說：「好少啫！」更強調：「冇覺得搵笨，冇乜笨唔笨㗎！」
經過今次事件，問他會否提高警覺，Ba叔透露以往也曾遇騙：「做生意唔多唔少都有可能俾人呃，好難避，冇乜笨唔笨㗎！」他又形容自己是一個「好打不平的平凡人」，一定會企出來指證害群之馬，但現時仍未接獲通知出庭。
從事成衣生意起家的Ba叔，早年經營牛仔褲品牌「Abby」，故得行內人通稱為「Ba叔」。他後來投資發展內地娛樂事業，替歌手在內地及星馬等地搞大型演唱會，因此有「內地演唱會之父」之稱，其名字經常出現在報章娛樂版，與不少歌星及藝人扯上關係。
此外，Ba叔亦染指其他投資，包括飲食業及房地產，近期活躍炒樓。據悉，他去年九月首度進軍樓巿，斥資逾一億元掃入十一伙何文田君頤峰單位，夥有關人士以「快槍手」戰略，將大部份單位轉售，斬獲近一千萬元。
本報記者