「甩咗拖，冇見幾個月」
郭羨妮親認同溫兆倫玩完

郭羨妮和混血名模LisaS.昨日在觀塘試吸香薰氧氣。屢傳與溫兆倫感情亮紅燈的郭羨妮昨日親口承認已甩拖數月，郭羨妮說：「冇見幾個月，大家重係朋友，重有電話聯絡。」

郭羨妮、任葆琳及吳彥祖名模女友LisaS.昨日到觀塘出席「apm香薰氧氣Bar」登陸活動，眾人試吸不同香味的氧氣，其中LisaS.聽錯大會指示，將本來插鼻的吸管，放入口中，發現出錯後尷尬得狂笑。

「重有電話聯絡」
郭羨妮穿上迷你裙亮相，她坐低和翹腳時都小心翼翼。郭羨妮與溫兆倫拍拖後屢傳感情亮紅燈，昨日她首次親口承認與溫兆倫分手，她說：「已經甩咗拖喇，冇見幾個月，不過大家重係朋友，重有電話聯絡。」問她是誰提出分手？郭羨妮說：「唔好講啦，我哋和平分手，冇拗撬，大家各有各忙，冇時間見，冇時間拍拖咪分開囉！」
外間由始至終對她倆的戀情都不看好，郭羨妮說：「我冇理其他人睇法，亦冇後悔分開，分手唔會心散，都冇影響我工作。月中我會返內地拍劇，扮演西施。」她又謂平日會聞薰衣草及與媽咪行街減壓。

拒絕無理要求
此外，昨日活動吸引大批巿民圍觀，更有中年漢見眾女星性感示人，索取簽名時口花花要求簽在胸口，穿tubedress的任葆琳事後說：「唔好啩！合理要求都ＯＫ，咁樣重要加埋怪眼光，咪搞！」她透露九月將重返港大進修心理學，任葆琳說：「我已經完成重整家族生意嘅任務，可以搵份新工，不過要放一個月大假先再開工。」
採訪：JessicaNgan
攝影：HoKwokHo