位於中環半山的Meliane，剛開張兩個月，這間店所走嘅路線係fusion，生活品味為宗旨，主要陳列housedesign以及一些本地設計的生活家具擺設。
記者：周頌堯 攝影：伍慶泉
雙喜盆景
若果嫌日本盆景唔夠潮，想要一盆細細哋但又高貴嘅盆栽擺喺辦公室內點綴一下，呢盆雙喜臨門（Doublehappiness）是必然之選。盆身四面嘅設計為個囍字，更鋪滿玉石粒，約三、四吋高，擺放枱頭至啱。
羊皮酒袋
見朋友帶支紅酒，又唔想用膠袋裝住咁老土。呢個意大利做嘅B.Y.O.B.袋，袋身為羊皮，十分有曲線感，亦非常Decofeel，易於收藏，大方得體。
水晶樹枝
無時間打理植物但又覺得膠花唔夠自然，呢個由店主設計嘅水晶樹枝（crystalbranch），有兩款綠水晶同白水晶供選擇。
花藝擺設
鮮花擺設絕對係一種藝術，呢個有波浪感花藝擺設（illusion），透明玻璃內放有波浪形顏色膠片，加上幾朵鮮紅花，格調十足。
店舖：MelaineLivingArt
地址：中環擺花街15號地下
電話：28157873