香港迪士尼九月十二日先開幕，八方已經收到各方喺海外嘅友好查詢，問長問短，而估唔到，最快手嘅原來係台灣朋友。
八方同事日前打開張台灣《蘋果日報》以及台灣《壹週刊》，竟然發現VISA卡已經喺度做招徠，大賣廣告（圖），條橋都唔錯，就係只要喺四月二十五日至五月八日，喺任何一家商店單筆刷VISA卡滿三千台幣（大約七百五十港元），就可以憑單到太平洋SOGO百貨店參加抽獎，贏得香港迪士尼樂團開幕前嘅一日遊入場券（一組四張）及相簿。
個廣告重話可以搶先入去體驗四個主題公園、餐廳、同精采表演，更可以同米奇老鼠以及佢嘅朋友合照，講得咁好玩，連八方都想參加，但名額只有一千個，又冇乜理由同台灣同胞爭呀。
傳真︰2623-9278
電郵︰[email protected]