土共同金勞詹日日猛咁嘈話港英回朝，班公務員聽咗個個都不是味道，喂！鬼叫你班土共唔爭氣，中央無將可點，如果唔係使乜搵番煲呔出馬，重話要搵埋肥龍許仕仁㖭。
有人就問，除咗許仕仁之外，重有邊位港英餘孽會重出江湖？吳榮奎已經有番個位，王䓪鳴又已經獲委任，但移民者如黎慶寧就興趣不大，要佢回朝，佢寧願同太太喺袋鼠國享受吓退休生活好過。至於港英時期嘅大紅人、嶺大校長陳坤耀，佢都話冇興趣回朝做行會成員。
何解？一來煲呔冇搵佢；二來佢又好高姿態咁話，嶺大已經有兩個行會成員，唔使要三個咁多。
佢講緊嘅係校董會主席梁振英同成員陳智思，陳校長話，人多喺行會反而不利，因為一講到嶺大問題，都要退席，咪冇人同佢哋喺行會講好話囉。咁又有道理喎。
傳真︰2623-9278
電郵︰[email protected]