性感小雲雀KylieMinogue前晚喺倫敦繼續世界巡迴個唱，據講佢個騷門票收入相當理想。據最新數字統計，Kylie單喺蘇格蘭格拉斯哥同英國伯明翰舉行嘅十一場演唱會，就有近四千萬英鎊（約五億九千萬港元）收入，有人睇好佢個巡迴個唱可以成為今年全球最賺錢嘅演唱會，能夠同佢爭一日長短嘅歌手或組合，應該只有愛爾蘭班霸U2。