緋聞男女方力申、鍾欣桐（阿嬌）、古巨基和鄧麗欣（Stephy），鄭中基新舊女友楊千嬅和蔡卓妍（阿Sa），昨日在將軍澳電視廣播城演出《勁歌金曲》，眾緋聞男女十分避忌互不交談，問阿嬌會否與Stephy影合照時，她竟說：「唔通我撲埋去咩！」
昨晚一眾歌手齊集將軍澳電視廣播城演出《勁歌金曲》「優秀選率先曝光」，容祖兒憑《Chihuahua》得到「最受歡迎廣告歌」，王力宏的《foreverlove》獲「最受歡迎華語歌曲」獎。
昨晚一眾緋聞情人聚首一堂，包括方力申、鍾欣桐（阿嬌）和鄧麗欣（Stephy），鄭中基新舊女友楊千嬅和蔡卓妍，還有早前和Stephy傳緋聞的古巨基，眾人顯得很避忌，完全沒有交談。
方力申與阿嬌拍拖後，早前有雜誌指他背着阿嬌和Stephy唱K，阿嬌在五個助手陪同下接受記者訪問，她表示有見到方力申，並說：「盲嘅都睇到啦！我有同佢打招呼，唔會尷尬。」初時阿嬌稱沒有見到Stephy，想了想又說：「有，佢經過我身邊，大家有點頭打招呼。影合照公司畀就影啦，唔會刻意，唔通我撲埋去咩！以後我唔再回應緋聞，希望大家集中喺我嘅工作上。」
另一邊廂，阿Sa表示有見到鄭中基前女友楊千嬅，問她可有尷尬，阿Sa說：「總之見到啦！」對於鄭中基表示沒有拍拖，阿Sa稱不作回應。而千嬅則說：「我叫助手送兩隻碟畀Twins，好歌梗係要介紹畀朋友啦，有乜好尷尬，娛樂圈都係寫吓寫吓嘅啦！」
至於Stephy，她表示沒有約過方力申唱K，她說：「成日講我唱K，講到我好似好鍾意咁，我冇約過方力申，大家做嘢邊有時間，我有同阿嬌打招呼，呢啲係正常禮貌。」其後方力申和Stephy亦應記者要求大方合照。而古巨基則說：「我有叫Stephy加油，今晚係佢個人演出。」對於Stephy和方力申的緋聞，基仔說：「呢啲嘢聽完就算。」
此外，方力申前晚從新西蘭返港時，力斥報道失實，令他十分生氣，他說：「緋聞上嘅嘢我唔再講，我同佢（阿嬌）係好朋友，件事唔會影響我哋嘅友情。」
至於阿嬌是否相信他，方力申說：「唔知，我俾人『𡁻』緊喎，我唔會用呢啲做宣傳。成件事Stephy最無辜，我同Stephy冇喺私人情況下唱過K，亦從來冇拍過拖，咁好影響佢形象。」至於方力申與阿嬌戀情一直被看好，會否因此受影響，方力申說：「好朋友就係好朋友，我同佢關係冇變。」
採訪：李珮洳、馮美茵
攝影：陳偉權
