鄭伊健和林保怡昨日到西貢拍攝潛水戲，對於東隧加價，身為車主的伊健當然大表反對，因為他覺得市民始終是受害者，他說：「𠵱家東隧加價嘅原因係話未加過價，咁可以象徵式加一蚊都叫加呀，又或者減價都係一個方法去增加使用量，可能到最後都賺到錢㗎。」
伊健又質疑政府監管不力，他說：「當初政府起隧道嘅目的，都係疏導交通擠塞，點知第時維港起咗橋幾年之後，一陣又話要加價，咁點呀，咪又係市民受害，我真係好質疑政府嘅做法呀，私人機構佢又監管唔到。」
此外，林保怡指自己甚少使用東隧，他說：「今次加咁多，但係政府都做唔到啲乜，總之冇必要行東隧就慳得就慳啦，如果紅隧更加塞車時，大家就要有啲耐性啦。」