第十六屆GLAADMediaAward頒獎禮前晚喺洛杉磯柯達劇院舉行，頒獎禮主要表揚為同性戀者爭取合理對待嘅藝人以及宣揚反歧視同性戀者訊息嘅作品。
美國人氣節目《粉雄救兵》就獲得「最傑出電視大獎」，節目裏面一班好有品味嘅猛男同志，聯同幕後功臣盛裝領獎，佢哋重開心到攬實個獎唔捨得放。不過論最出位嘅，要數《靚太唔易做》兩位拍檔FelicityHuffman同MarciaCross，佢哋雖然只係頒獎嘉賓，但竟然喺台上公然接吻，認真識搶鏡頭！
此外，老牌影星麗莎明莉妮（LizaMinnelli）前晚喺青春女星MandyMoore手上領取「先鋒大獎」，以表揚多年嚟為男女同志爭取合理對待，佢亦係繼安東尼奧班達拉斯（AntonioBanderas）、伊莉莎伯泰萊（ElizabethTaylor）同胡比高拔（WhoopiGoldberg）後獲得呢個獎嘅藝人。