出街心掛掛　六次折返家
徐濠縈囡囡排第一　轉性

徐濠縈昨日往金鐘欣賞時裝騷，並大談湊女經，她表示現在女兒在她心目中排第一位，雖仍然喜歡出街，但因掛念女兒，試過出街後折返家六次。問到何時與陳奕迅註冊，她笑言對方忙搵食，冇期註冊。

本地時裝王國JoyceBoutique昨日於金鐘太古廣場舉行名為「SummerBreeze」的時裝騷，展出多個品牌如AlexanderMcQueen、Etro、CommedesGarcons、JunyaWatanabe及UnderCover的新裝，出席嘉賓有徐濠縈及黃偉文等。
去年十月誕下女兒康堤的徐濠縈昨日看來已收身成功，她滿意地說：「係呀，差唔多回復產前嘅體重啦，全部係靠自己嘅，我都覺得好proud（驕傲）。」問她是否陳奕迅（Eason）催她收身？她說：「冇，佢話鍾意我肥，不過個個男人都係咁講㗎啦。」

為女兒少出埠
提到女兒，徐濠縈滔滔不絕說：「佢𠵱家好好玩，可以扶起佢企，又識坐，醫生話佢可以食少少肉，所以我親自煲菠菜雞肉粥同甘筍豬肉粥佢食，不過佢好似鬼婆咁，唔多食肉嘅。」
徐濠縈更表示生了女兒後心態改變不少，現在女兒在她心目中排第一位，她說：「你哋都知我鍾意出街㗎啦，𠵱家都成日有出街，不過就成日掛住個女，成日心思思返屋企睇佢，最誇張一次折返屋企六次，同埋少咗出門旅行，有朋友叫我出門我都會拒絕。」

「今年冇期註冊」
徐濠縈續說：「以前睇啲講阿媽嘅戲唔會喊，𠵱家一睇到啲母女情節嘅戲就喊個不停。」問她Eason有沒有幫手湊女？她說：「頭十日佢都會幫手餵奶同換片嘅，不過男主外，佢要搵食嘛。」再問她今年會否和Eason註冊？她說：「註唔註都一樣，同埋今年冇期呀。」
採訪：JessicaNgan
攝影：IpKwanHoi