葉德嫻將於本月二十日在紅館舉行《葉德嫻星之旅演唱會》，暫定兩場，「星之旅」的意思是要讓觀眾猶如置身外太空觀星一樣，故葉德嫻的服飾亦會比以往閃亮。
葉德嫻說：「我嫌閃咗啲，所以傾緊不如鋪塊雪紡喺面，我要閃得內斂啲同低調啲。」
當晚獻唱的曲目則分三部份，第一部份是向葉德嫻心目中的「星」致敬，包括羅文、梅艷芳、張國榮、陳百強、周璇、白光、鄧麗君、黃霑和林振強等。葉德嫻續說：「第二部份係salute個未死嘅，就係我自己，我唱自己啲歌外，重會唱楊千嬅嘅《大城小事》。」
葉德嫻謂第三部份是唱她喜歡的英文歌，為此還與監製金廣誠打賭，她說：「我話唱到呢part可能走剩五十個觀眾都唔知有冇，佢話如果有一百個以上，就我輸，賭一餐飯。我事先講明呢個安排，係貨真價實唔會呃人嘛，大家唔鍾意聽就走先，我唔會嬲㗎。」
採訪：蔡如玉 攝影：林德雄