楊思琦和林峯昨日在旺角出席「FranceBridalChicMagicinLife05婚紗晚裝匯演」，並穿上婚紗和禮服行騷。
林峯表示十年後才考慮結婚，他說：「我暫時都未有目標，原來𠵱家啲禮服都幾花巧吓，但一世人一次，花巧啲都冇所謂，我將來都想搞大啲個婚禮。」林峯表示雖然他是公眾人物，但不介意跟女伴出街時被指指點點，他說：「我又唔係變態同搞基，識女仔都好正常。」
而楊思琦則表示對公主look婚紗情有獨鍾，她又謂本月中完成手頭上的劇集後，會帶媽咪外遊慶祝母親節。
問思琦可會與男友李永豪的母親施明慶祝？她說：「佢一直有工作好忙。」對於有傳施明整容，思琦力撐說：「佢不嬲都咁靚，只不過有保養啫，我唔反對人哋整容，但自己就唔會啦。」