碧咸（DavidBeckham）夫婦嘅前保母艾比姬露（AbigailGibson）早排收咗巨額爆料費，大爆舊老細嘅私隱，碧咸兩公婆隨即向法庭申請禁制令，前日倫敦高等法院裁定碧咸夫婦勝訴，法官雖然判艾比姬露唔可以爆新料，但爆過嘅料就可以重複，事後雙方都話對裁決感到滿意。而前日法庭上，碧咸律師承認碧咸兩公婆曾經互相威脅要分手，不過只屬晦氣話。