黎明和徐子珊前晚在銅鑼灣出席網絡商「3」新廣告記者會，徐子珊穿上tubedress赴會，短裙不時被風吹起，露出黑色打底褲，徐子珊頻頻拉實裙邊，十足經典性感女星瑪莉蓮夢露般。事後徐子珊說：「我下次着條長啲嘅裙啦！」
黎明表示拍廣告當日在船上取景，風浪很大，大部份工作人員都邊拍攝邊嘔吐，不過他例外，黎明說：「我堅持自己唔會嘔就唔會嘔，我冇食藥打底，食咗嗰啲都嘔。」黎明又讚徐子珊體能好，他說：「導演想搵個有親切感嘅女仔，佢又有芭蕾舞底子，不過都有嘔。」徐子珊則說：「多謝佢，黎明好好人，教我好多嘢。」不過她不願透露嘔了多少次，只說：「冇五次，幾次啦！」
採訪：胡比 攝影：陳慧安
