噚日誠哥嘅港燈向政府遞交電力改革嘅回應，港燈董事總經理曹棨森當然要出嚟解話啦！佢話自己本來同電力市場挑戰者一號、慧峯集團主席潘國濂好熟，有好多偈傾嚟；不過，自從潘生講咗要搞誠哥個場後，佢哋就無再傾過偈啦！好以小器咗啲喎，唔使咁啩。
有八方行家問曹生，若果港府迫港燈開放電網，港燈會唔會告政府？曹生話，以佢所認識嘅政府，一向都有商有量，應該唔會用到迫咁低莊嘅。佢叮囑大家，千祈唔好將港燈同啲亂咁告人嘅人歸埋一類。
剛剛碰着啱啱，挑戰者一號慧峯噚日又舉行股東會，可能因為泊咗前總理李鵬愛女李小琳個大碼頭，席間潘國濂都不知幾風騷。佢派卡片嘅時候，跌咗張孫仔靚仔相出嚟，有行家問佢係邊個？佢即刻答：係未來嘅「電王」！
傳真︰2623-9278
電郵︰[email protected]