劉德華昨日到商台宣傳新歌《我得你》時，他自言十分希望做葉德嫻演唱會的嘉賓，華仔說：「一係我同倫永亮秘密練隻歌，然後等佢（葉德嫻）換衫時我走上台唱，一係就開騷前或未熄大光燈時唱。聽講佢演唱會畀觀眾十五分鐘廁所位，我唔介意呢個時間唱㗎！」
提到葉德嫻曾呼籲歌手要準時開騷，華仔說：「係呀！啲歌手再遲，遲吓遲吓就冇得開喇！叫佢哋換晒啲化妝師、髮型師，換啲準時啲啦！」
另外，對於長毛梁國雄昨日在東隧口示威反對加價，華仔說：「唔好搞住啲市民啦！反對加價嘅行為係正確，但係到五月一日先頂住佢啦！我諗我有一段時間都唔會用，計到佢賺唔到錢為止。」
採訪、攝影：王連連