李逸朗、Mandy自相殘殺

李逸朗、Mandy自相殘殺

李逸朗、蔣雅文(Mandy)、陳自瑤(YoYo)和張美妮昨日在將軍澳電視廣播城西餐廳,拍攝《奇幻潮》單元劇《情比金堅》。
李逸朗認為這個單元是挑戰電視尺度的極限,他說:「呢個單元係好血腥同暴力,係講我、Mandy、張美妮同YoYo一齊去咗間鬼屋,最後只有一個人可以離開間屋,我哋為咗離開就互相殘殺。我為咗生存就變得忘恩負義,噚日就去間荒廢咗嘅警署拍,好驚。」張美妮說:「我第一個死,係俾佢哋一齊整死,死得好慘。」

死唔斷氣
Mandy則說:「劇入面我係俾李逸朗用釘插死,死時不停掙扎,不停喘氣,重愈喘愈大聲,最後導演都忍不住,問我死得未!」
採訪、攝影:楊潔雯