近日盛傳Twins成員鍾欣桐(阿嬌)與緋聞男友方力申情變,又傳方力申翻𠝹舊愛鄧麗欣(Stephy),昨日Twins出席活動時,阿嬌反應甚大地表示從未與方力申拍過拖,二人關係似乎已破裂。
女子組合Twins昨日在灣仔分域碼頭一酒吧,出席BIOTHERM唇膏產品記者會,阿嬌和阿Sa穿上鮮豔春裝,由大會安排二人挽着穿上船長制服的型男臂彎出場。
近日有報道指阿嬌自被踢爆與方力申的戀情後,二人感情日漸變淡,昨日更有報道指方力申瞞着阿嬌翻𠝹舊愛Stephy。問阿嬌與方力申是否公開戀情後感情轉淡?她反應甚大說:「都冇公開!冇拍拖,做乜要屈我呀?」問阿嬌是否傳任何緋聞都與方力申友情不變?她則點頭不語。
Twins表示目前忙於錄製新碟,下半年才接拍電影,問阿Sa和阿嬌會否抗拒與緋聞男友鄭中基和方力申拍戲?阿Sa說:「我哋係專業演員同歌手,都會拍嘅,但可能會避忌啲。」會否抗拒與對方拍親熱戲?阿Sa即笑說:「睇劇情啦,唔通煮公仔麵都要錫咩?」
若阿Sa與方力申拍戲、阿嬌則與鄭中基做對手,她們又會否介意?阿Sa說:「我會覺得好尷尬!」問阿嬌會否呷醋?她說:「做乜要呷醋?我唔會,唔介意。」
對於方力申翻𠝹Stephy傳聞,阿嬌昨日透過經理人霍汶希回應說:「阿嬌睇咗呢段報道,佢態度平和,冇嬲,佢都冇拍拖。」
阿嬌昨日接受電話訪問,談到方力申被指花心一事時說:「我信佢唔係報道中咁嘅人。」
此外,方力申昨日透過金牌經理人公司陳小姐表示:「件事令到家人好委屈同激動,阿媽重激動到喊,我好唔開心,好有歉意,報道話我嘅人格,我好嬲,但我冇必要詳細解釋,因為唔係事實。」
採訪:胡比
攝影:陳志嵐