容祖兒（Joey）昨日在中環出席護膚品牌～H2O+的新產品活動，席間更首次播出全新廣告宣傳片。由於Joey已成為該品牌亞洲區代言人，被問到酬勞會否大躍進時，她即說：「簽新約只係形式上，大家合作咁多年好多嘢都唔會計，咁都有加少少，只係友情價。」
Joey對新產品可謂讚不絕口，她說：「因為我好怕曬黑，呢支嘢又有防曬；我試過曬黑咗，媽咪話我好醜樣，成個好似圍村出嚟咁。」問Joey曬黑時運氣會否較差，她說：「咁又唔覺喎！不過我覺得自從駁長頭髮之後，運氣都好好。」Joey更笑言化妝師經常取笑她的嘴唇，Joey說：「佢成日玩我個嘴，又話我嘴唇面積大，好似塊豬油糕咁。」
採訪：王崇穎
攝影：陳慧安