最近內地報章《21世紀經濟報道》訪問咗明年行將退休嘅中信集團董事長王軍，原來佢除咗鍾意食煙及打高球之外，重好喜歡下圍棋同打橋牌，不過就唔係時時搵到對手，所以佢自己話得閒嘅時候會上網搵人同佢切磋切磋，各位可能已經喺網上同佢比拼過都唔定，之不過由於佢唔會用真名，大家贏過佢都唔知啦。
出入都受人簇擁住嘅佢，原來只係想做個簡單嘅人，王軍話退休後最想喺中國搵個小鎮住，乜都唔做，佢更講到明，退休後唔會再留戀中信21世紀個主席職位㖭，睇嚟早前因為呢個消息炒作中信21世紀嘅炒家，可以死咗條心。
傳真︰2623-9278
電郵︰[email protected]