添喜事件終於圓滿解決，每個小業主都得到房協二十萬冇息貸款，八方都戥佢哋開心。啲業主向八方讚何俊仁、大班、嫻姐、石禮謙、煲呔同大業主葉太。何俊仁就唔收律師費，大班幫佢哋搵煲呔，佢哋喺立法會外露宿時，嫻姐買粥畀佢哋，石禮謙就買生果，煲呔就搞掂啲貸款，大業主就好體諒佢哋。
佢哋噚日買咗三個生果籃送畀啲議員。不過一提起蔡素玉同何志平，有業主忍唔住耍手擰頭，啲業主前幾日睇到啲報紙，蔡菜子竟敢攞住業主簽名向老董爭邀功，真博懵。
肥平就最冇心，喺後門走唔見佢哋，噚日啲嘢搞掂晒，肥平就走落嚟同佢哋影相，當正自己功勞咁，差啲唔想同佢影相！
傳真︰2623-9278
電郵︰[email protected]