噚日係天主教學校嘅教師日，一向同天主教呢個辦學團體關係麻麻嘅教育統籌局常任秘書長羅范椒芬都畀面出席，同天主教香港教區主教陳日君一齊為萬幾位老師打打氣，氣氛不知幾祥和。羅太個老細「阿瑟王」李國章就唔理咁多繼續「征戰」，噚日就縮班問題喺立會同張文光互片。
阿瑟王話張文光唔應該批評政府之前嘅建校計劃係浪費公帑，皆因五年前張議員曾講過「對學校惡劣處境的沉默，便是在教育問題上最大的失職」，佢重將批評張文光嘅講詞經政府新聞處出稿。張文光即時出聲明話阿瑟王歪曲事實，含血噴人。張文光解釋話當年支持加建新校，係一心諗住小學推行全日制，當發覺政府人口統計出錯，就即刻叫停。
傳真︰2623-9278
電郵︰[email protected]
