梁靖琪（Toby）和周麗淇昨日在觀塘出席「耆英饑饉八小時」探訪活動，與現場長者學做手語及玩遊戲。
Toby透露有份演出爾冬陞執導的電影《千杯不醉》，戲中她與楊千嬅同為啤酒女郎，份屬好友，問她的戲服是否性感時，她笑說：「之前我去試造型，啲衫全部都係背心同短裙，重要着長boot。」
再問Toby可知如何推銷啤酒？她說：「我問過公司啲同事，佢哋教我同啲客講：『先生求吓你吖，幫我買一支啦，我就收工喇！』𠵱家我先知做啤酒女郎一啲都唔易。」
此外，前晚Toby由廣州趕回港出席電影《早熟》的首映派對，約凌晨兩時多才離去，而且邊行邊不停儍笑，問她是否很醉，她否認說：「唔係，我只係一出酒吧門口見咁多記者喺度，佢哋又話我似關公，我覺得好好笑啫。」